بھٹکل 20 مارچ (ایس او نیوز) بھٹکل کے جالی میں  انجمن بی کام کا ایک طالب علم  گھر پر ہی اچانک نیچے گر پڑا اور پل بھر میں اس  کی  موت واقع ہوگئی۔ واردات جالی  میں پیش آئی۔

مہلوک کی شناخت بھارگو، ابن  نارائن نائک (20) کی حیثیت سے کی گئی ہے۔ سمجھا  جارہا ہے کہ اس کو اچانک دل کا دورہ پڑ گیا تھا، جیسے ہی وہ  نیچے گرا،  اسے فوراً سرکاری اسپتال لے جایا گیا، مگر اسپتال پہنچنے تک  اُس کی  روح قبض ہوچکی تھی۔

بھارگو انجمن کالج میں  بی کام سکینڈ ائیر کا طالب علم تھا، اس کا ایک  بڑا بھائی ہے، جبکہ اس کے والد  کسی بینک میں ملازمت کرتے ہیں۔ اچانک موت سے گھر میں ماتم چھا گیا ہے۔